13. Pagli’e ffienu
Fonte: Chieffo Giuseppe, ex seggiolaio, nato nel 1903. 
Reg. 1989.

Quantu so’ cuppulùni quiddi r’ Villamaina! Quannu avietti la cartulina r’ precettu, int’a la caserma r’ Purdenonu truvai nu zappatoru, n’atu ca venìa ra la pruvincia r’Avellinu. Già lu juornu appriessu nge fecere mmarcià int’a lu curtigliu r’ la caserma. Nu capuralu cummannàva stu battaglionu r’ reclute: nge messe tutti nfila e, roppu spiehàtu ogni ccosa, rivu l’ordinu: – Avanti marsc! Unò, dué…unò, dué…
Iu cu tutti l’ati surdati marciàmme, allungànne lu perù mancinu, quannu lu capuralu recìa: unò! e lu peru rerittu, quannu recìa: dué! Sulu stu paisanu se mbrugliava cu li pieri. Se n’accurgivu lu capuralu e fermàvu la marcia. S’abbicinàvu a stu surdatu e l’addummannàvu: – Neh, rimme: qual è lu peru mancinu e quale lu rerittu? 
Vistu ca quiddu se mbrugliava sempe cu li pieri, l’attaccavu na vranca r’ fienu a la coscia mancina e na vranca r’ paglia alla coscia reritta. Ripiglianne a mmarcià, mo’ facìa: – Paglia, fienu… paglia, fienu… – sul’accussì ddu zappatoru r’ Villamaina marciavu r’accordu cu tutti quanta nui.

***
(testo italiano)
Paglia e fieno

 Davvero sempliciotti quelli di Villamaina! Quando andai sotto le armi, nella caserma di Pordenone, trovai un contadinotto, pure lui della provincia di Avellino, che veniva da Villamaina. Già il giorno successivo ci fecero marciare nel cortile della caserma. Un caporale aveva al suo comando un drappello di reclute: ci mise in fila e dopo che ebbe spiegato ogni cosa, partì l’ordine: – Avanti, marcia: uno, due… uno, due…
Io e tutti i militari marciavamo allungando il piede sinistro, quando il caporale diceva: uno! e il piede destro, quando diceva: due! Solo il mio paesano confondeva i piedi. Se ne accorse il caporale e fermò la marcia. Si accostò al soldato di Villamaina e gli chiese: – Neh, dimmi: qual è il piede sinistro e quale il destro?

Siccome quello continuava a confondere i piedi, gli attaccò una manciata di fieno sulla coscia destra e una manciata di paglia sulla coscia sinistra. Ripigliando la marcia, ora il caporale diceva: – paglia, fieno… paglia, fieno… – solo così il contadino di Villamaina marciò d’intesa con tutti quanti noi.