11. La vorpa e lu lupu

Nu zappatoru tenìa na ruzzìna r’ addìne. Nu juornu iv’a lu masònu a ppiglià r’ove e ne truvavu una mancante. Na vorpa, int’a la nuttata, se l’era arrubbata. E na vota e ddoi e tre… stu zappatoru nun sapìa cummu avìa acchiappà dda mariola. A la fina truvavu cummu fa’: pigliavu na addìna e la mettivu int’a lu sicchiu r’ lu puzzu. “La vorpa” pensavu “passànne a ra qua p’ gghì’ a lu masonu, vére la addìna e zompa int’a lu sicchiu p’ l’acchiappà. Accussì care mpier’a lu puzzu e ddà ngi rumane. Crai matina la tiru ngimma e l’accìru.”

E accussì succirìvu. Dda nottu stessa menìvu la vorpa e circànne r’ piglià la addina funivu int’a lu puzzu. Picca roppu passàvu nu lupu: sentivu nu stranu rumoru ca menìa ra mpier’a lu puzzu, e s’affacciavu: – Cumma’, e tu che nge fai dda mpieri?

– Mangiu carna r’ addìna! – respunnivu la vorpa ra mpier’a lu puzzu.

– Nu’ ng’è n’uossu puru p’ mme?

– Vieni, e te ne rongu quantu ne vuo’.

– Cummu fazzu a scénne ?

– Uàrdete attuornu, ng’è n’atu sicchiu: zompa intu e scinni.

Lu lupu nun se re feci rici ddoi vote. Cummu se mettivu int’a lu sicchiu, pesante cumm’era, accummenzàv’a scenne, mente l’atu sicchiu saglìa purtànne ngimma la vorpa. A mezza via la vorpa ncruciàvu lu lupu:

Cumpa’, lu munnu è ffatt’a scala:

ng’è chi scenne e ng’è chi sagli!

 

***

(testo italiano)

 

La volpe e il lupo

 

Un contadino aveva una dozzina di galline. Un giorno, andando al pollaio per prendere le uova,  trovò una pollastra mancante: una volpe, durante la notte, l’aveva rubata. E una volta, e due, e tre… il contadino non sapeva come acchiappare quella ladra. Finalmente gli venne un’idea: prese una gallina e la pose nel secchio del pozzo. Pensò: “La volpe nel passare di qui per andare al pollaio, vedrà la gallina e salterà nel secchio per acciuffarla, sicché cadrà col secchio in fondo al pozzo. E là rimarrà. Poi, l’indomani mattina, la tirerò su e l’ammazzerò.”

E così fu: quella stessa notte venne la volpe e, nel tentativo di prendere la gallina, finì nel pozzo. Poco dopo passò un lupo: sentì uno strano rumore venire dal pozzo e si affacciò. Vide la volpe: – Comare, e tu che fai laggiù? 

– Mangio carne di gallina – rispose la volpe dal fondo del pozzo.

– Non c’è un osso anche per me? 

– Vieni, e ne avrai quanto vuoi.

– Come faccio a scendere?

– Guarda intorno a te, c’è  un  altro secchio: salta dentro e raggiungimi. 

Il lupo non si fece ripetere l’invito al banchetto. Come si mise dentro al secchio, pesante com’era, cominciò a scendere, mentre l’altro secchio saliva portando su la volpe. A metà strada la volpe incrociò il lupo:

Compare, il mondo è una scala:

c’è chi scende e c’è chi sale!